Transcription
1
Reçue à Montoison, le 20 octobre 1572.
2
Monseigneur, j’ay receu votre lettre de Lyon du XIIe
3
de ce moys, et incontinant ay envoyé à ma dame
4
celle que luy avez escripte, à laquelle elle vous
5
faict responce que je vous envoye avec la
6
presente. Pleust à Dieu que ceulx de Tholose se
7
feussent conduictz aussi advisement comme le lieu
8
quilz tiennent le merite. Quoy que vous aye
9
escript Villefranche, je ne me puys
10
persuader que l’oncle de mon beaufilz soit
11
si fol de se remuer ; et fauldroit bien qu’il jouast
12
à la desesperade. Je vous promectz que j’ay esté
13
en bransle de desrober ung voyage, pour
14
essayer si par parolle je feroys avec luy ce
15
que ma letre n’a faict, car je seroys bien
16
desplaisant de son mal s’ile ne m’a creu :
17
pereat perire volans. Hier messieurs des comptes
18
s’adembtèrent avec la court pour les lettres et
19
declaration du roy concernant les officiers de l’opinion
20
nouvelle. Ceulx qui en sont comme Venon, Pecat
21
et autres, ont esté mandez et demain matin on leur
22
dira la volonté du roy. Je suys en esperence
23
de ne tarder plus guières d’avoir ma fille
24
la presidente et pence qu’elle vous rencontrera
25
par les chemyns. Monsieur l’arcevesque d’Embrun
26
arryve ce matin en ceste ville après avoir
27
faict les derniers honneur à feu monsieur le prevost
28
d’Embrun son oncle.
29
Monseigneur, je me recommande très humblement à votre bonne
30
grace et prie le Createur vous donner santé,
31
prosperité et longue vye. De Grenoble, ce XVIe
32
doctobre 1572,
33
Votre très humble et très hobeyssant
34
serviteur
35
Prunier
36
37
38